Ishq Jab Tak Nah Kar Chukay Ruswa...

Ishq Jab Tak Nah Kar Chukay Ruswa,

Aadmi Kaam Ka Nahin Hota ….!!

Hamein Jab Nah Houn gay To Kya Rang-e-Mehfil...

Hamein Jab Nah Houn gay To Kya Rang-e-Mehfil,

Kisay Daikh Kar Aap Sharmaiye Ga . . . .!!

Hansi kay rang buhat meherbaan thay laikin...

Hansi kay rang buhat meherbaan thay laikin,

Udaasiyon se hi nibhti, khameer aisa tha

Aankhon Mein Koi Khawab Utarne Nahi Deta...

Aankhon Mein Koi Khawab Utarne Nahi Deta,

Ye Dil K Mujhe Chain Se Marne Nahi Deta,

Bicharay Tou Ajab Pyaar Jatata Hai Khaton Mein

Mil Jaye Tou Phir Had Se Guzarne Nahi Deta,

Wo Shaks Khizan Rut Mein Bhi Mohtaat Rahay Kitna

Sokhay Hoye Phoolon Ko Bikharne Nahi Deta,

Ik Roz Teri Pyaas Khariday Ga Wo Ghabro !

Pani Tujhe Panghat Se Jo Bharne Nahi Deta,

Wo Dil Mein Tabassam Ki Kiran Gholne Wala

Roothay Tou Ruton Ko Bhi Sanwarne Nahi Deta,

Mein Us Ko Manaon K Gham-e-Dehar Se Uljhon ?

“Mohsin” Wo Koi Kaam Bhi Karne Nahi Deta,